Թուրքիայի պայմանները, «հոգևորականների» հավաստիացումները և սոցիալական արդարության հարցը
44-օրյա պատերազմի նախօրեին հայ ժողովրդին հավաստիացնում էին, որ պատերազմ չի լինի։ Նիկոլ Փաշինյանի թիմակից Մակունցը փափուկ բարձ էր դնում հայ ժողովրդի գլխի տակ՝ հայտարարելով, որ եթե պատերազմ լինի, ապա Թուրքիան չի միջամտի դրան։
Հիմա էլ են խոսում կեղծ խաղաղության օրակարգից։ Նիկոլ Փաշինյանի թիմակից ու հուդայական խմբակի անդամ «հոգևորական» Վազգենն է գովերգում Թուրքիային ու հավաստիացնում, որ այդ երկիրը շատ դրական է տրամադրված հայերի հանդեպ։ Այսինքն՝ Մակունցի պես փափուկ բարձ է դնում։
Այս ընթացքում Թուրքիան մեզ է ներկայացնում իր նախապայմանները, որոնց մեջ ավելացել է Հայ Առաքելական Սուրբ Եկեղեցու կազմաքանդման պահանջը։ Զուգահեռաբար Ալիևը խոսում է «Արևմտյան Ադրբեջանից» ու ադրբեջանցիներին խոստանում, որ հարյուր հազարավոր ադրբեջանցիների բնակեցնելու է «Արևմտյան Ադրբեջանում»։
«Մայր Հայաստան» կուսակցության նախագահ Անդրանիկ Թևանյանը նշում է, որ այս ամենը բացահայտում է Հայաստանում սոցիալական արդարության վերաբերյալ իրական պատկերը։ Նա նկատում է, որ դրսում ապրող նիկոլականները՝ եվրոպացիներ, ամերիկացիներ, ռուսներ, իրենց կոտորում են Նիկոլի համար։
Հուդայական խմբակի ներկայացուցիչ Վազգեն Միրզախանյանը, որը համարվում է Հայ Առաքելական Սուրբ Եկեղեցու դեմ պայքարին միացած «հոգևորականների» մեջ ամենագաղափարականացվածը, աղ ու հացով կդիմավորի Փաշազադեին Էջմիածնում։
Անդրանիկ Թևանյանը նաև հարց է տալիս, թե որտե՞ղ են այն մարդիկ, որոնք պետք է ստանան 1 մլրդ 128 մլն պարգևավճար։