Ամենայն հայոց կաթողիկոսը ցավակցական հեռագիր է հղել Իրանի նախագահին
Ամենայն հայոց կաթողիկոսը մարտի 2-ին հղել է ցավակցական հեռագիր Իրանի Իսլամական Հանրապետության նախագահ Մասուդ Փեզեշքիանին՝ երկրում տեղի ունեցած ռազմական գործողությունների հետևանքով զոհերի կապակցությամբ։ Այս մասին հայտնում է Երևանում Իրանի դեսպանատունը։
Հեռագրում նշվում է, որ Կաթողիկոսը խոր մտահոգությամբ է հետևում մարդկային կյանքեր խլող և տարածաշրջանի անվտանգությունը խաթարող իրադարձություններին, որոնց հետևանքով զոհվեցին Գերագույն Առաջնորդ Այաթոլլա Սեյեդ Ալի Հոսեյնի Խամենեին, իշխանության բարձրաստիճան ներկայացուցիչներ և անմեղ քաղաքացիներ։
Հեռագրում նաև հայտարարվում է, որ Կաթողիկոսը վշտակցությունն է հղում Իրանի նախագահին և աղոթական զորակցություն՝ զոհվածների ընտանիքներին՝ մաղթելով Իրանի բարեկամ ժողովրդին խաղաղ և ապահով կյանք։